الرجل النطع

الراجل اللي بيعيش على فلوس مراته، وهو قادر إنه يشتغل.

اللي بطل يصرف على مراته عشان اشتغلت.

اللي نسي إنه راجل لمجرد إن في ماما ومراته بيصرفوا عليه.

الراجل اللي مراته متحكمه فيه.

اللي يقاطع أمه وأبوه علشان خاطر مراته.

اللي دايما ما بيكونش معاه فكة، وهو خارج مع بنت.

بيخلي مراته تنزل من البيت بالليل تجيب حاجة من السوبر ماركت.

اللي سهران يلعب بلاي ستيشن، ومراته بتحضر الأولاد للمدرسة.

اللي يرمي هدومه في كل مكان، ومستني ماما تشيل وراه.

اللي نسي إن عنده ولاد علشان مطلق أمهم وبيعند معاها.

اللي بيشتري موبايل بـ 4000 جنيه، ومراته بتدفع فلوس الدروس.

اللي يحافظ على مواعيده مع أصحابه، وينسى ميعاد دكتور بنته.

اللي يقبل إن مراته تتهزأ قدامه.

اللي متخيل إن رجولته بتزيد كل ما هدوم مراته بقت أطول.