ჯარიმა 500 დოლარი ერთი ვაშლისთვის - ინციდენტი აეროპორტში

თბილისი, 23 აპრილი - Sputnik. კოლორადოს მკვიდრი კრისტალ ტედლოკი, რომელიც პარიზიდან დენვერში ბრუნდებოდა კომპანია Delta-ს კუთვნილი თვითმფრინავით, ერთი ცალი არადეკლარირებული ვაშლისთვის 500 დოლარით დააჯარიმეს, წერს UCVN-ი.

როგორც ირკვევა, როდესაც თვითმფრინავის ბორტზე კოლოფებით სადილი დაარიგეს, კრისტალმა იქიდან ვაშლი ამოიღო და ჩანთაში ჩაიდო, რათა მოგვიანებით შეეჭამა. საბაჟო კონტროლის გავლისას კი ქალს განუცხადეს, რომ ბარგის შეტანის წესები დაარღვია, ვინაიდან ვაშლი დეკლარაციაში არ ჰქონდა შეტანილი.

ტედლოკის თქმით:

კრისტალ ტედლოკის აზრით, ავიაკომპანია უნდა აფრთხილებდეს მგზავრებს, რომ ვაშლები თვითმფრინავშივე შეჭამონ - აშშ-ის საზღვრის გადაკვეთამდე, რათა მის მსგავსად უხერხულ ვითარებაში არ აღმოჩნდნენ.
ახალგაზრდა ქალი ამბობს, რომ საბაჟოზე ერთი ვაშლის გულისთვის ისე მოექცნენ, როგორც დამნაშავეს.

აშშ-ის საბაჟო კანონების თანახმად, ყველანაირი საკვების დეკლარირება სავალდებულოა. კანონი დარღვევისთვის პირი შესაძლოა ათი ათას დოლარამდე თანხითაც კი დააჯარიმონ.