Academy Awards, qısa olaraq “Oscar” kimi tanınan mükafatın bu gün qalibləri məlum olacaq. Kino sahəsinin ən nüfuzlu mükafatı hesab edilən “Oscar”la çoxlarının bilmədiyi 5 maraqlı faktı təqdim edirik:

“Oscar” gecəsində yerə sərilən qırmızı xalçanın rənginin patenti var. Yəni, qırmızının bu çalarını başqa təqdimatlarda istifadə edilən xalçalarda görmək mümkün deyil. 

Gecədə iştirak etmək istəyən hər kəs - ən məşhur ulduzlar belə mütləq dəvətnamələrini təqdim etməlidirlər. Əks halda içəri buraxılmırlar.

Bu il 90-nıncısı təşkil edilən mükafatlandırma mərasimini işıqlandırmaq üçün 785 media orqanı müraciət edib. Onlardan yalnız 299-nun müraciəti qəbul edilib. 

Hollivuddakı “Dolby” teartrı bu ili də nəzərə alsaq, ümumilikdə 17 dəfə “Oscar” mükafatlandırma gecəsinə ev sahibliyi edib. “Dolby” teatrının binasına daxil olarkən divarlarda 1929-cu ildən bu günədək “Ən yaxşı film” nominasiyasının qalibi olmuş bütün filmlərin adlarını oxumaq mümkündür.

Komediya aktyoru Bob Hop düz 19 dəfə “Oscar” gecəsinin aparıcısı olub.